بقلم الشاعر : محفوظ الأمير
قولي اعمل ايه
في جرح كنت انت السبب ياحبيبي فيه
في قلب عشمته ووعدته وجيت عليه
في حلم عشت سنيين حياتي ببني فيه
في زكريات مليانه حب
في قلب كان بيعشئك
وكل ذنبه انه حب
قولي اعمل ايه
في قلبي لو جت مره سيرتك اقول بحبك وله اقول ظلمني قلبك
في ملامحي بين الناس وانا باين عليه
حجات كتيره ناقصه فيه هعمل ايه الله يسامحك
قولي اعمل ايه
في الثواني والدقايق والسنيين وانت بعيد عني
كل شئ موجود هنا عنك بيسألني
في وحده زي النار واصعب شويه
وكلام بقيت لما اسمعه بيصعب عليه
في عيون بقت سهرانه ليلها ومن عذابها بايته تدعي عليك عنيه
انت ليه وعدتني للنجوم وصلتني
وبعد ماحبيت وجودك من ايديك ضيعتني
قولي اعمل ايه
في الثواني والدقايق والسنيين وانت بعيد عني
كل شئ موجود هنا عنك بيسألني
