نحن نعطى اللقاح للشخص على حسب عمره والحالة الصحية المناسبة له .
تختلف أعراض اللقاح من شخص إلى شخص وتمتد ليومين او ثلاثة أيام وقد تصل إلى أسبوع .
أعراض اللقاح تختلف من شخص لأخر فى الجرعة الأولى والثانية حسب الحالة الصحية والنفسية لمتلقى اللقاح .
الفترة بين اللقاح الأول والثانى أسبوعين أو ثلاثة حسب نوع اللقاح .
وفق تعليمات رئيس الجمهورية باطلاق المبادرات والحملات تطعيمية ضد الأمراض المنتشرة بالمجتمع وضد فيروس كورونا المستجد قامت مدرية الصحة بالدقهلية ومستشفي ميت غمر بعمل مجموعة من الحملات التنفيذية للوقاية من الأمراض بالتطيعم متعدد المراحل وكان من نصيب مجلة ايامنا لقاء أحد أفراد طقم المشرفين على حملات التطعيم وهى د.مروة أخصائي الرعاية المركزية بمستشفى ميت غمر .
وإلى نص الحوار
في البداية دكتورة مريم ممكن تكلمينا نبذة مختصرة علي أنواع اللقاحات ؟
طبعا من بداية ظهور الفيروس واحنا بنحاول تفادى كل الأخطاء الموجودة أو نقلل من حدة انتشار الفيروس فكان هدفنا من اللقاحات أو اعطاءها للمواطنين وإن احنا نتفادى انتشار الفيروس أو نخفف من حدة الأعراض فكان هدف اللقاح الأساسي ليس منع الفيروس من الانتشار ومن إصابة الناس ولكن الهدف الأساسي له كان إننا نخفف حدة الأعراض ودا احنا لاحظناه في الفرق ما بين المرضى الآخذين اللقاح وفرق ما بين المرضى او الناس ال Healthy الناس الصحية ال مأخدوش اللقاح طبعاً أنواع اللقاحات كان مابين شركات كتير أوى منتشرة كان ما بين شركات أمريكية وشركات صينية وشركات كندية أول شركة كانت أطلقت أول لقاح ليها كانت الأسترازنكا فايزر وبعد كدا مع الوقت ومع الأشهر ظهر ليها لقاحاتها الخاصة ظهر لقاح بإسمها فايزر ، الصين ايضاً كان ليها سينوفارم وسينوفاك ايضاً كان يوجد اللقاح الأمريكى چونسون وأنواع كتيرة أوى وأنواع كتيرة طبعا وأخر لقاح كان الأمريكى مودرنا فباختلاف الأنواع والأصناف طبعا احنا بنقيم ازاى نعطي مريض اللقاح حسب حالته الصحية يعنى أكيد المريض اللي في سن صغير مينفعش نعطيه اللقاح المناسب للسن الكبير وهكذا مريض الضغط والسكر مريض الكلي مريض الكبد ، أكيد مينفعش معاه أن نعطيه أنواع معينة من اللقاحات علي أساس كدا كانت فئة المواطنين في التصنيف في إعطائهم القاح .
ما هى الأعراض المصاحبة للقاح ؟
أيضاً تختلف من مريض لمريض او من شخص لشخص لسبب أغلي الأعراض احنا بنسميها إلفلوانزا لايك شبيه بالانفلونزا زى ( همدان - تكسير -ارتفاع في درجه الحراره ) ممكن الارتفاع يبقي شديد وايضاً ( سعال - رشح - صداع وهكذا ) معظم الأعراض دى كانت تظل من يومين الي ثلاثة وبعد كدا تمام المريض بيشفي وبيمارس حياته عادى جداً ممكن شوية الهمدان والتكسير يستمر معاه أسبوع او اتنين بس بعد كدا الحياة بترجع علي طبيعتها عادى جداً.
هل هذه الأعراض بتظهر في الجرعتين أم في الجرعة الأولي فقط أو الثانية فقط ؟
حسب ما سجلنا أو حسب إحصاءاتنا كان فيه ناس في الجرعة الاولي اكثر من الثانية وناس في الجرعة الثانية اكثر من الجرعة الأولي فملهاش مقياس بتكون حسب حالتك انتى الصحية أو النفسية يعنى مثلا انا روحت اخدت اللقاح وانا حالتى كويسة صحية باكل كويس بشرب كويس مفيش أى دور برد رشح زوكام معنديش أى مظهر للعدوى خلاص هيعدى اللقاح وأعراض خفيفة طب انا روحت ومثلا عندى رشح مع العلم إن المفروض أى شخص عنده أى عدوى المفروض بيبلغ المختصين المشرفين علي اللقاح إن عندك أعراض كذا كذا ، مبتاخدش اللقاح بس يعنى بيعدي ناس مثلاً بيبقي عندها وبتعدى حسب بس ملهوش علاقة حسب مناعة الإنسان في الأول والأخر يعنى انا استجابتى ايه للحاجات اللي بأخذها يعنى انا مثلاً ممكن أخد مضاد حيوى ويبقي عندى حساسية منه إنتى تأخذيه ميبقاش عندك حساسية منه فدى استجابات فردية للمواطنين مش مقياس .
دكتورة عرفينا الفترة بين الجرعة الأولي والجرعة الثانية ؟
تترواح من إسبوعين إلي ثلاثة حسب نوع اللقاح .
ما هي الفئات العمرية المستهدفة للقاح وأخذ التطعيم ؟
احنا بدأنا التطعيم من سن 12 سنه لغاية 18 سنه ودلوقتي في كل فئات الشعب بتطعم ما عدا الأطفال تحت 12 سنة .
هل يوجد اقبال علي أخذ اللقاح ؟
ايوا نسبياً في اقبال كويس جداً تقريباً دلوقتي احنا وصلنا بنسبتنا ممكن لغاية فوق تعدي 70% ومن كل الشعب في إقبال كببر جداً والناس مستوعبة الكلام دا خالص .
متى يكون اللقاح له أضرار علي بعض الأشخاص ؟
اللقاح ملهوش ضرر علي بعض الأشخاص هو أهم حاجة إن احنا نأخذه في الوقت المناسب ونأخذه نوع نوع المناسب لينا من اللقاح دا اولاً وثانياً الاهتمام بالاكل والشرب كويس ونبعد عن الزحام وفي نفس الوقت وضع الكمامات الواقية من فيروس كورونا .
الشخص المتعافي ما هي المدة بين تعافيه وأخذ اللقاح ؟
دى تختلف حسب الحالة المفروض بعد اول BCR اختبار سلبي ممكن نعطي اللقاح مثلا المريض لو متعافي يوم واحد وعملتله تانى يوم ال BCR بتاعه وطلع سلبي خلاص من حقي انى أدى اللقاح بس احنا دايماً بنعطي مدة من شهر لثلاثة أشهر وبعد كدا بنعطي اللقاح ولكن فعلياً كلام الوزارة من بعد يوم واحد من BCR سلبي .
هنا نكون وصلنا لجميع المعلومات عن لقاح كورونا وازاى ان هو مش طريقة علاج ولكن وقاية من الفيروس بشكر حضرتك جدا دكتوره مروه علي وجودك معايا في الحوار .
حوار : سهيلة يوسف
