بقلم الشاعر محفوظ الأمير
لحد امتي
هنداري لحد امتي
اشواقنا ومشاعرنا
وهنفضل ليه ساكتين او خايفين الناس تجيب سيرتنا
تعلالي وقرب وانسي الناس متفكرشي
هات عينك هنا بص في عيني متهربشي
الناس اصلها مهما
هنعمل مبترحمشي،
الناس اصلها مهما هنعمل مبترحمشي
محتاج لوجودك ويايا وبجد دا شئ مهم
عارفه انتي علاقتي بقت بيكي
زي العروق والدم
انسي الدنيا وكل ما فيها
انسي الوجع والهم
تعلالي نكمل حلم انا وانت مع بعض رسمناه
وتعالي كفايه فراق ياحبيبي وبلاش معاناه
حبك لسه بيجري في دمي وازاي هنساه
كل اللي اقدر بس اقوله قلبي
انتي ساكنه فيه
بحلم بيكي في كل دقيه
ادي قلبي واساليه
وتعالي انا وانت من الايام نسرق فرحتنا
وتعالي نقول للناس كلها علي حكايتنا
