أخذت ذلك الفن من والدى وولدتى لانهم كانوا بيحبوا الرسم .
مثلى هو الرسام العالمى رونالدو دا فينشى .
فن الرسم ثلاثة الابعاد مستخدم بالفحم والألوان .
نصيحتى للشباب لازم يشتغلوا على نفسهم ولا يستلموا للظروف ويصبروا للوصول لهدفهم .
أولا ممكن تكلمنا بنذة عن سيرتك ؟
انا مجدي سعد من دمياط 22 سنة ، بدرس فى كلية السياحة والفنادق جامعة المنصورة .
ممكن تحدثنا عن موهبتك كيف بدأت ؟ وهل كانت فطرة أم مكتسبة من التعلم ؟
ودي موهبة عندي من صغري أخدها من والدي وولدتي لأن هما كانوا بيحبوا الرسم ومع الوقت بدأت أطور فيها لحد ما وصلت لهذا المستوي .
لكل شخصية إبداعية قدوة أو مثل فى المجال فهل لديك تأثر بفنان معين فى هذا اللون الابداعى ؟
هو فى الحقيقة مفيش حد فى مصر أو الوطن العربي بيقدم المحتوي دا بالون دا لكن لو بنتكلم عن الفن بشكل عمومي فأكيد هنقول ليوناردو دا فينشي .
ممكن تكلمنا عن هذا الفن الابداعى ولو بجزء بسيط ؟
هو لون مختلف عبارة عن رسم ثلاثي الأبعاد بالفحم علي الارض نوعية الرسومات دي موجودة بس علي ورق ، بستخدمه فحم ونشارة ناعمة بخلطها بألوان بحيث إن هي تطلعلي اللون المطلوب وببدأ أصمم الرسمة بأبعاد معينة بحيث إن هي تظهر واقعية وحقيقية .
هل عرضت أعمالك على شركة أو هيئة لابتكار هذا اللون الإبداعى فى الديكور ؟
لا الحقيقه لحد دلوقتي معرضتش الفكره دي على حد .
كلمة توجهها للشباب المبدعين ؟
عايز اقولهم إن هما لازم يشتغلوا على نفسهم مش لازم يقعدوا يستنوا لما يبقي فيه امكانيات إن هما يطلعوا إبدعهم لأن معظم الشباب دلوقتي بيقعدوا يقولوا الظروف والكلام دا ومش عارفين نعمل حاجة لا كل واحد فيهم لازم يبدأ باللي معه دلوقتي انا بدأت بأقل الإمكانيات والحمد لله طورت ودلوقتي عدد المشاهدات ليا علي السوشيال ميديا عدي ال 400مليون .
ولازم يشتغلوا على نفسهم ويكون فيه صبر لان مفيش حاجة بتيجي على طول كدا وربنا مش بيضيع تعب حد .
حوار : إسلام يوسف
