بقلم الشاعر محفوظ الأمير
مبقتش متحمل
انا هاخد قلبي وابعد بيه
علشان مبقتش،متحمل
بتيجي كل مرة عليه
ولسة قلبي بيكمل
هعود قلبي علي بعدك
هقوله عليك ميسألنيش
هقوله بجد لو حبك كان اتمسك وميسبنيش
هقوله خلاص كدا كفاية مدام بعنا ميلزمنيش
همسح بأيدي كل ذكري معاك ياعمري عشتها
عارف ياقلبي دي فترة صعبة أكيد هتاخد وقتها
حقيقي عمري ضاع جنبك لكن يخسارة هعمل ايه
حاربت كتير عشان قلبك ياريت قلبك بيتمر فيه
انا اللي قلبي يستاهل عشان فكر في حد نسيه
أكيد الدنيا بتعلم وهتعلم مع الأيام
ومهما قلبي يتألم هداري وأقول يجد تمام
هداوي كل أوجاعي وهنسي حب كان أوهام
هسمح بأيدي كل ذكري معاك ياعمري عشتها
عارف ياقلبي دي فترة صعبة أكيد هتاخد وقتها
هقوم وهعدي من المحنة
وبكرة الدنيا تضحكلي
هشوفك تاني بالصدفة تقولي ياريت تكون جنبي
هقولك جتلي متأخر ياريتك جتلي من بدري
همسح بأيدي كل ذكري معاك ياعمري عشتها
عارف ياقلبي دي فترة صعبة أكيد هتاخد وقتها
