آيات القناوي تكتب: ليه تبص لغيرك
ليه تبص لغيرك في ظروفه
طب قرب جرب روح شوفوه
هتلاقي حكايه ورا حكايه
في القلب تزود فيه خوفه
ليه تبص لغيرك ف مشاعره
مبسوط زعلان دايما شاغلك
يمكن بيداري عليك ألمه
ولا حدش فاضي بيسمعله
ليه تبص لغيرك في حياته
مين عالم بيه بيه باحتياجاته
بيعافر ومبين ضحكه
مع إن الفرح زمان فاته
خليك باصص علي أيامك
سيب غيرك عايش أيامه
وان تاهت منك أحلامك
ولقيته محقق أحلامه
أدعيله بقلبك ولذاتك
آيات القناوى
