بقلم : الشاعر محمد حسن
سهران ليلك وحيد
هتشكى لمين همك
محدش بعد الخذلان سعيد
ولا كله هيحس بالمك
اتعلقت بيهم واتعشمت
إنهم هيكملوا معاك للأخر
بس رجعت أنت إللى ندمت
لما عرفت إنه كله رحل وغادر
وقولت يمكن ياجى الأمل بعد. الفجر
وفضلت تشرب قهوتك السادة
بتحاول تنسى مع أبيات الشعر
جرحك مرر طعم أيامك بزيادة
وبتفتكر أيامك الحلوة الخوالى
وبتبتسم ابتسامة تهد الحيل
وبتقول ياريتنى ما اتعشمت
مكنش دا بقى حالى
والدموع على خدك بتنزل سيل
ويعدى يومك بطلوع الروح
وصوتك من البكا مبحوح
ماهو قلبك كان سعيد بات مدبوح
قلبك من بعد الفرح صار مدبوح
وتفتكر أحزانك هتنتهى
وأتاريها كل يوم فى نفس الميعاد بتتجدد
وأهو ما بين آهاتك ودموعك بتتلهى
الخذلان كلمة صعبة بتردد
الخذلان شعور باهت
بيجى من حد مش متوقع
كل الأحاسيس وقتها ماتت
لما تلاقى ردة فعل منه بتوجع
الخذلان شعور بالإحباط
من عشمك فى حد ميستاهلش
قلبك مليان حزن كما المية تروى القيراط
وميت كما الأرض البور إللى مبتتزعش
قولتلك قبل سابق متتعشمش
علشان عشمك مش هيكون فى محله
معظم الناس متستاهلش
عطف قلبك ولا حبه ووده
وترجع تسهر ليلك حزين
ومين بس إللى هيسمع همك
عشت هم أكبر منك بسنين
وفى المك محدش قدك
