السيد الزرقاني يكتب: قربني منك
قربني منك
متسبنيش جوا جوف الليل طليق
اصرخ لوحدي في الفضا
واموت غريق
دا انت قدري
اللي ارتسم جوا مكنون السما
وانت حلمي
اللي اتبعطر ....فوق متهات الطريق
والشمس نامت
فوق خدود البحر كانت
مستسلمة ....ومتألمة
لحلم بكرة اللي انكسر جوا في عينيك
بلاش تكون
جوا زنزانة الوطن
انت القيود
خليني اعود
الملم عمري اللي اتبعطر
جوا بركان الظنون
وارسم بكرة اللي اختفي جوا شطأن العيون
واقيد الشمع اللي انطفي ....
يمكن اكون
بين ايديك
#السيدالزرقاني
