الشاعرة سحر جمال الدين تكتب: تحت خط الفقر
شعر /سحر جمال الدين
*********
تحت خط الفقر
تلقى ناس كتير
واقفين طابور
محتارة تشكى
لمين وجعها
ومين عليه
الدور يموت
ما انا اصلى ميت
بالحيا..والدنيا
حواليا تابوت.
كل مادا يضيق ويخنق
والحصار حواليا زايد
عمال يضيق كل يوم
بالراحه حبة انا اصلى
مليت الخضوع.
وروحى راحت من زمان
وأن كنت شايف لسه فيه
حبة نفس..ف دول يادوب
حلاوة روح..
ماسكة فى الدنيا ووجعها إللى
مش عاوز يروح
مش مكفيها أنى مخنوق
بالهموم.. أشكى لمين
وأقوله هات..أصل وجعى
هو وجعك..
والزمن بقى كله مرهون بالسكات..
وكل ماشى يشكى وجعه
ومين يقولى خد وأقوله هات..
بقلمى سحر جمال الدين محمد..
