أدبالأحدثالأحدث الادب
الشاعرة نهلة الديب تكتب: العصفور
شعر /نهلة الديب
إكسر سنون القلم
قول للسكوت حاضر
إتني الصُفح والألم
إقفلْ ورق الدفاتر
إبدأ برسمة علم
فيه الشعار صابر
بالفرح ياما حِلِم
بس القدر شاطر
عصفور سلاحه تِلِم
محبوس ف بير واعر
حاول يطير ويهِم
وجناحه مش قادر
دنيا وفيها إتظلم
والظلم ع الآخر
إصرخ معاه يا قلم
صرخة بدون آخر
بعد الجراح والغم
جاي له الفرح طاير
~~~~~~~~~
#وعجبي
#نهلة_الديب
