الشاعر السيد طه يكتب قصيدة بعنوان (الشارع مات)
الشارع مات ...
ورصيفه بيرقص
ف عزاه
وعامود النور
زي الطرطور
متني ومكسور
مستني قضاه .!
والبنت شرفها
بيتاخد
ورا كشك العيش
وبتستحلاه ..!!
وأبوها الواقف
ع الناصية
مستني العلبة
الكيلوباترا ...
من أول آه ..!!
والعسس الواقف
بالتايمر ...
بيبص عليها
لتتأخر
وبتترجاه
يديها دقايق
إضافية
وتكون شاكراه
لو رسيت
حتى ف أجرتها
تبقى مقاسماه .!!
علشان المشهد
مش راجع ..
ولا فيه تكرار ..
والفرصة دي
جيالها بواسطة
ف عرض استثمار ..!
ف مسابقة نهب
المحروسة ...
طلعت بزبون ..
وبلوزة حرير
ف الفاترينة
نزلت كازيون
نفسها تلبسها
لحبيبها
ف خروجها معاه .!
***************
من ديوان/
مدد يا سيدنا الليل .
...........
