السيدالزرقاني يكتب قصيدة بعنوان (مفيش غيرك)
شعر /السيدالزرقاني
مفيش غيرك
مالي عيني
تملي بتجي وتاخديني
لبحر غويط
أنسى فيه تكويني من الأول
وبحب فيه سيطرتك علي روحي
ماهي روحي مع روحك
تملي حياة
وأنا وياكي..... برسم تفاصيلي من الأول
وبتجول
في بحر عينيكي
وبتحول... لمحرابك
وأصلي... لروحك الطاهرة
متين ركعة
وبسأل روحي في غيابك
أنا فين؟؟
يجيني صوتك الهامس يطبطب على روحي
و يسَكِن كل أوجاعي
و أسبح معاه في الملكوت
و أرفرف بجنحاتي
و أحوم بيك فوق الكعبة
و أطوف سبع مرات
و في كل مرة احكيلك
تقولي عيدها م الأول
الاقي صوتك بيتحول
تملي سكوت
أنزل بيك في الروضة
وأبص في عينيك اللمة
وقول يارب
دي القبلة
اللي صبرت عليا سنين
وياما خدتني في أحضانها
وبرغم كل أوجاعها
حاضنة كل أوجاعي
وحساني...
بوصلة روح في كيانها
نهر حنين
ودي اللي ربي نزلها علشاني
أفوق تاني من الأول
واقولك
مفيش غيرك... مالي عيني
ومالك كل تكويني
في الملكوت!!
#السيدالزرقاني
