ماقالشي قصيدة للشاعر احمد ابراهم
شعر /احمد ابراهيم احمد
ماقاليشي
وعدنى إنى يوم ماارحل
هايجرى يلحق الدفنة
ويرفع زى كل الناس
تابوت شايل جسد تعبان
ويفضل يفتكر لما
فردنا كل احلامنا مع اللمة
وعدته انى هافضل حى
لحد دموعه ماتفارق
ويفرح زى كل الناس
وفجأة وسط دا كله
يموت الضى ف العتمة
ماحدش يوم من الصحبة
صعبت عليه
ويصعب ليه مدام ضحكتى طالعه
ولكن ف الاساس ميت
طلع صاحبى وكدب كدبة
فقال انه كتير بيحبنى جدا
وكانت كدبته كرباج
وسكينة بميت حدا
ياصاحبى كفاية دمعاتك
وسيبنى افنش الرحلة
ببسمة تكتم الاحزان
وتكتب كل احلامنا
عن العشرة
عن الصحبة
عن الى كان ومتزوق
خلاص ياصاحبى ماتروق
يادوب دمعتين وافرين
وبعديها تقول لى سلام
وتقفل تربتى بايدك
وتفضل قصتى عايشة
كمجرى الدم فى وريدك
ماقاليشى
