نورهان مصطفي تكتب: ما اجمل الرجوع اليه!!
كتبت /نورهان مصطفى
أوقات بنتوهه ، بنضل الطريق ، بنفضل نخبط فكل حاجه وأي حاجه في محاوله للرجوع او الوصول ل أول الخيط اللي يرجعنا لنفسنا تاني ، بيجي وقت نفتكر أنه خلاص مش هنلاقي نفسنا ولاهنعرف نرجع تاني لطريقنا الصح ، لطريقنا اللي متفصل علينا ب المللي.
بنحاول ونعافر ونقع ونقوم ونفشل ونحبط وتهزمنا الأيام ، لكن بمرور الوقت بنحتاج لوقفه مع نفسنا ، لقاعده صافيه وفرد كل الاوراق وإعاده النظر فيها من أول وجديد , بنكتشف أخطائنا بنعترف بيها بنتعلم منها، بس المهم منحاولش نهرب منها ، فنقرر نواجهه ونقوم ونحاول ونصفي ونفلتر كل حاجه فحياتنا بتعطلنا ، او بتسحب من طاقتنا فمحاوله مليانه ب الأمل والتفاؤل في الرجوع لنفسنا ولحب نفسنا والدنيا من جديد 🤍
بنرجع بس بنرجع أققوي بنرجع أجمل بنرجع أحسن بنرجع حابين نفسنا ومقدرينها ومقدرين لكل لحظه فحياتنا بجد 🤍
هل ده معناه ان مش هنتوهه ولاهنقع تاني ؟
معتقدش , بس اللي متأكده منه أن طول ماجواك صافي وقلبك متصل ب الله سبحانه وتعالي ومبتأذيش حد وطول ماعلي تواصل قوي بنفسك وبمشاعرك وبتفهمها وتحللها وتقيم وتقَوم نفسك وتحاول وتعافر وتقوم.
طول ماهتقدر ترجع تاني أقوي وأجمل وأحسن وأنضج . 🤍✌️
