المهندس ياسر ابو سعيدة مدير مدرسة الشهيد فريد مجدى فريد الصناعية العسكرية فى حوار لايامنا علم الجدارات هو مستقبل التعليم الفنى الحديث
كتب حسناء سلام
فى ظل التعليم الفنى ومستحدثاته وظهور بعض الانظمة الحديثة فى مجال التعليم مثل الجدارات الحديثة والنظام العكسرى كان لنا لقاء مع المهندس ياسر ابو سعيده مدير مدرسة الشهيد فريد مجدى فريد الصناعية العسكرية
*فى البداية كلمنا عن افضل الانظمة اللى اتعملت تحت ادارتك هذا العام؟
ف تطورات كثيرة تمت ومن اهمها
• عملنا السنادى المنظومة الإلكترونية ودا للاشراف والغياب والجداول والكنترول والنتائج وقرارات الفصل والانذار يعنى المنظومة كلها تحولت للنظام الرقمى لتكون بدقة عالية فى كل البيانات الموجودة
• وايضا المدرسة خارجة من صيانة شاملة بدانا بمجهودات السادة الزملاء بداية من العامل الى مدير ادارة المدرسة تكاملوا مع بعض لانجاح العمل داخل المدرسة والمنظومة الإلكترونية.
• وتم انشاء ايضا جروبات للتواصل مع اولياء امور الطلبة عشان ولى الامر يعرف الربط بين المجتمع الخارجى ومجتمع المدرسة ويعرف سلوك ابنه والنتائج بتاعته يعنى بيتابع من مكانه فى البيت كل حاجة بتحصل مع ابنه فى المدرسة
• وعملنا عروض عسكرية لنحتويهم من التسرب للشارع وحفزنا الطلبة وعملنا جوائز للطلبة المتميزين وكدا بنجذبهم للمدرسة اكتر عشان نغير الفكرة عند الطالب لان الطالب تفكيره ان المدرسة الفنى يعنى حضور وامتحانات احلها فى نهاية العام وبس كدا لا احنا غيرنالهم الفكرة دى
*ما هو نظام الجدارات الحديثة الموجود فى المدرسة؟
كلمت جدارات يعنى الطالب جدير بالمهنة اللى بيدرسها والطالب بيحصل فى نهاية المرحلة(فى نهاية الصف الثالث) على شهادتين شهادة الدبلوم العادى وشهادة الجدارات
*كيف تتناول المدرسة نظام الجدارات؟
المنظومة هنا وفرت هيئة التدريس نظرا للعجز الشديد الموجود لكن الطالب دلوقتى بياخد الجزء النظرى والجزء العملى فى وقت واحد يعنى بيتم الدمج بين النواحى النظرية والعملية فى نفس الوقت بحيث ان الطالب بيتم شرح له المعلومات نظرى ويطبقها بنفسه عملى وبيتطور ويوثق مخرجات شغله بايده على CD او فلاشة وعلى تليفونه لانه اما يتخرج من الدبلوم بييجى ناس من سوء العمل يختبروه فى المادة دى، لان الطالب وهو خارج بياخد معاه ملف الجدارات زى CV لنفسه بيقول انا عملت كذا وكذا فبيخبروه هل انت فعلا بتعرف تعمل الحاجات دى ولا لا!
فلو الطالب اجتاز الاختبارات دى من سوء العمل بيتعين فى المصنع اللى اختبره وبيحققله فرصة عمل ولو طالب محققش يبقى كدا مش هياخد الشهادة وبياخد فرصة تانية الى ان يجتاز الاختبار ويحقق التنفيذ العملى وبعدها ياخد الشهادة من المدرسة
ودا اسمه المحقق الخارجى وهو عبارة عن الصف الثالث مكون من اعضاء وزارة التربية والتعليم واعضاء من وزارة الصناعة (سوء العمل) وكدا بيوفر للطالب بعد التخرج اسبوع تنشيطى او اسبوع العمل بتيجى الشركات تاخد بيانات الطلبة وتعرض عليهم فرص عمل ودا بناءً ع قرار من سيادة الرئيس ان الطلبة دى لازم تتعين، احنا مكلفناش الطالب وولى الامر وتعبنا المدرس فى انه يجتاز هذا البرنامج وفى الاخر يقعد الطالب فى البيت لا هو كدا تساوى بالطالب اللى اخد دبلوم عادى، والطالب هنا مش بيمتحن امتحان عادى لا بيمتحن امتحان اكاديمى يعنى بيمتحن عملى بينفذ المادة اللى اخدها يعنى ممكن طالب فى قسم ملابس اطلب منه يعمل تيشرت وهو ينفذ ويخرج لنا التيشرت
*هل فى صعوبة على المدرسين والطلبة فى نظام الجدارات؟
نعم اكيد، كل برنامج جديد له صعوبات وعقابات لكن الدولة وادارة المدرسة بيحاولوا يزللوا العقابات دى، فاحنا اتعلمنا وسألنا الناس اللى خاضت التجربة دى قبلنا وعرفنا منهم ابعاد الموضوع وبدأنا نزلل العقابات.
*ما هى العقابات اللى بتواجهكوا؟
بالنسبة للطالب انه بيحتاج يصور كمية ورق كتيرة وولى الامر ملزم انه بوفر أدوات الامان للطالب زى الخوذة او الجوانتى او تيشرت يلبسه الطالب غير ملابسه العادية عشان تحمى ملابس الطالب الاساسية وهكذا، ولى الامر هنا بينظر لها أن الموضوع كله عبارة عن فلوس لكن فى حقيقة الامر هو الموضوع عبارة عن حماية وأمان للطالب.
*حضرتك شايف أن نظام الجدارات نظام مفيد للطلبة؟
أكيد ودا بيحصل اما نتواكب مع العالم الخارجى، يعنى كل طالب يتخصص فى الجزء اللى هو ميوله ليه وشاطر فيه فبالتالى هيبدع فيه وقدراته وميوله هتساعده فى كدا فبالتالى كدا النظام اصبح مفيد.
*ماهى رؤية حضرتك للتعليم الفنى فى 2024؟
التعليم الفنى هو ان شاءلله قاطرة التعليم يعنى هو اللى هيقود مصر مستقبلاً للتقدم، لان مفيش مجال فى مصر إلا بيحتاج للعامل الفنى الماهر اللى يقدر يدير المنظومة بأسلوب عصرى، زى النظام الرقمى اللى دخلناه فى المنظومة هنا، فأنا شايف ان التعليم الفنى هيتطور للافضل.
