الشاعرة نادية سعد تكتب قصيدة بعنوان «موت الحلم »
شعر /نادية سعد
****
بحر موجه يهيج يغرق
بحر غدار للغريب
ال منه يوم يقرب
يحضنه ويقول صديق
خدت اوراح الصبايا
دمعي سال من غير وصايا
حرقت قلب الامهات
صرخت بتقول ضنايا مات
خدت روحه هتلي جسده
ادفنه
عايز مكان فيه لوحدي اكلمه
ليه يا بحر جرحتني عشمتني
قولت هعدي بيك بر الامان
روحت هايج وقعت قربي بقا حطام
صوت سكونك كان مطمن قلبي بيك
فجاءه ثورت حسستني بالعجز ليه
كان ليه حلم رسمته بدم الصبا
زعلت ابوي كسرته ظهره
دانا كنت فاكر قال
هعوضه سنين الشقا
الدمع سايل ع الشطوط
الورد راجع في التابوت
يا بلدي ليه صعب فيكي
اعيش بصوت
مفيش امل مفيش لبكره طريق خطوط
خطي راح بقا نواح ابكي يااما في الصباح
اشكي لشمس ال نورها غطي كوني
حتي نور الشمس يااما عنده امل
بس انا ضاعت ظنوني
ناديه سعد
