بقلم الشاعرة : ولاء حجازى
النهاردة يومنا احنا
أمي أختي وصحبتي
م الحياة بوجودنا تحلي
والحنان من جنتي
كل ست اكيد هدية
كل بنت اكيد جميلة
الجمال فينا تملي
والأنوثة المدارية
العزيمة والارادة
والشياكة والبساطة
والحنان ساكن قلوبنا
والجمال فينا يا سادة
النجاح موصوف لروحنا
والطموح من نبض بوحنا
والأمان علشان نعيشه
ايدنا بتطيب جروحنا
تلقى بينا الدنيا تحلي
والحياة احلى واحلى
مهما تزعل او تكشر
طله منا تروق وتحلي
السعادة اكيد وجودنا
لما بنطل ب ورودنا
ف اوعي تنكر يا ابن آدم
دنيتك تحلي ب جودنا
النهاردة ده يوم سعيد
يوم جميل علشانه عيد
جاي يطبطب ع القلوب
اللي ساندة كل ايد
اللي ربت واللي تعبت
اللي شقيت مهما عملت
مش هيوفي يوم حقوقها
او نرده ف اي عيد
اللي ساندت واللي ضحت
اللي كفت آه ووفت
اللي عايشة حياتها تدي
واللي فاتحة كل بيت..
