استكمال حلقة النقاشية لكتاب أيامنا حول دور المرأة الريفية فى تربية الرجال وتحدى الصعوبات
تقرير : إسلام يوسف
أديرت الجلسة النقاشية الرابعة لنقاش كتاب ومحررين مجلة أيامنا حول دور المرأة الريفية فى تربية الرجال وتحدى الصعوبات .
قال الكاتب والشاعر محفوظ الأمير والله الحب ما بيفرق ممكن الواحد يحب بنت ناس علي قد حالهم وهي دي اللي القلب يروحلها رغم وجود ذات المال ولكن ليس علي القلب حكم .
وعقبت الكاتبة هاجر قايد بقولها : القلب ليس محل ثقة ولا الحب لأن القلب متغير وسمي قلب لكثرة تقلبه ، لذلك قال الله عز وجل : " وجعل بينكم مودة ورحمة " وليس حب ولا أقلل من أهميته ولكن قبل كل مهم هناك الأهم .
واضاف الكاتب محفوظ الأمير تعقيبا على حديث الكاتبة هاجر قايد بأن كلامك صحيح بس والله الحياة بدون حد بتحبه أولا هتظلم حد معاك غصب عنك أو هتبص لغيره المال ليس كل حاجة طبعا تمام ، اثبتي علي موقفك لحد ما هتقولي في يوم أن الحب هو سر الحياة الواحد لما بيحب حد بيعديله كتير وبيتحمل علشانه كتير لكن لو غير كدا تلكيك بقي علي أي حاجة .
وردت الكاتبة هاجر قايد بقولها : الذى رأيته في الحياة يخليني مدركة كويس جدا أن المشاعر بتختفي بعد فترة وتبدأ مشاكل وسواء تفاهم يتفاقم وأولاد تشوه نفسيا وده مش تجربة واحده دا واقع مجتمع وده غير إني مسؤل أمام الله عن اختياري لأب فأكيد مش هتخار بمشاعر تتقلب حتى لو تعرضنا لها فلا أهمية لها حيث المنطق .
واستكمل الكاتب مخفوظ الأمير كلامه : أنا اقتنعت بالنظرية دي يمكن الواحد بس حساس زيادة شوية وبيقيس كل حاجة بالعاطفة ودايما حاشر قلبه في كل حاجة .
وردت الكاتبة هاجر قايد : لكل ما خلق الله دوره المقصد ليس اقناع وبل إدارك ما يدرك بالعقل وشعور ما يدرك بالمشاعر فالزواج لا عيب فيه إن كان فيه حب ولكن الخطأ ان نختار الشريك له عن طريق المشاعر .
وقال الكاتب إسلام يوسف : أكثر اثنين تزوجوا عن حب بيبهدلوا بعض فى حالة الانفصال أو المشاكل لأن كل طرف شاف الجزء الحلو ولم يرى الجانب السلبى للأخر ، وصرح إلى موضوع الزواج بامرأة غنية لأنه ليس اصل فى الزواج وأن الرسول تزوج بالسيدة خديجة وهى صاحبة مال : هل أخذ الرسول مالها وأسرف على نفسه من مالها ولم يعمل ؟ جاءت حكمة الله فى زواج الرسول بأمنا خديجة لأن يكون صاحب جاه ومال وأن تكون عاقلة وراءه عند مجىء الوحى فلو كانت من مثل عمره لاتهمته بالجنون عندما يجيئها ويقول جاءنى الوحى وقال انا خاتم المرسلين .
وحكمة المال فى اختيار قد جاء العرف وقال الكفء المال حتى تستقيم الحياة بينهما فقير مع فقيرة وغنى مع غنية ومتوسط مع متوسطة ولو جاءت معاكسة مع أحدهم مع الأخر تحفظ الشريعة بالرجوع للنص .
وستطردت الكاتبة هاجر قايد قولها : ولكن الشاهد قائم أن المراة ذات المال تنكح إن لم يكن الطالب طامعا .
وصرحت الصحفية رويدا مسعد بأنها تعتقد أن الأم الريفية أقوي الأمهات فى العالم ، و بالنسبة لي أن أمي أقوي أم فى الدنيا و نحن من الأرياف قدرت تواجه الناس و تربي تربية سليمة
قامت بدور الأب و الأم فى نفس الوقت و جعلت كلام الناس وراء ظهرها و إنها مش هتقدر على مصاريف تعليمنا ولا هنوصل لحاجة بعد التعب دا ، بس الحمد لله حاليا أمي عندها مهندس تصوير و مهندس ميكانيكا و حاليا شغال فى المونتاج و أنا فى إعلام و بإذن الله أوصل مع إخواتي و أي حد يتمني يكلمنا و امي بتفتخر بأعظم إنجاز فى حياتها و إحنا بنفتخر أنها أمنا جزاها الله خيرا .
وقالت الكاتبة ريم هشام الأم تكون قاسية أحيانا لتجعل أولادها بخير، ويكونوا سند بعدها، وتجعلهم يعملون لكي يكونوا أقوياء والأم الريفية قد تكون ليست متعلمة ولكن إنها تربي أولادها بالعادات والتقاليد، وتحتاج إلى تعليم أيضا وندوات ثقافية وتكون بسيطة، لكي لا يحدث تقاليد تجعلهم يغلطون أثناء دخولهم في مجتمعنا وهم لا يكونوا معتادين علية .
واستكمل الكاتب إسلام يوسف الحديث حول الموضوع الرئيسى بقوله : كانت الأم زمان قبل زواج بتنها بكذا سنة تقعد تفهمها وتنصحها التعامل مع أهل زوجها كل فرد على حده الاب والام واخ والأخت والسلفة والصبية ، وكيف تتحمل فى المواقف وتصبر على العيش مع زوجها ، أما الآن لا أم تلقى وقت تجتمع مع أبناءها ولا ينصت الأبناء لامهاتهم ولو تدخلوا فيتدخلوا من أجل الطلاق وليس الحل .
وعقب الكاتب محفوظ الأمير بقوله مستفسرا عن السبب للوصول عدم الاتفاق والنصيحة للام لابنتها : ايه بقي وصلها للمرحلة دي ؟
كانت اجابة الكاتبة هاجر قايد بأن السبب هو المجتمع بذاته .
واستطرد الكاتب محفوظ الأمير : طب والغلاء اللي بقينا فيه مش ممكن يكون له دور في عدم وجود وقت للتفرغ لسماع اي حد من الاولاد وحل اي مشكله ؟
وجاء رد الكاتبة هاجر قايد بأنها لاتعتقد ذلك .
وأضاف الكاتب محفوظ الأمير لا بس دلوقتي فعلآ جهاز البنات بقي عبئ فظيع علي الأسرة خصوصا في الريف اقسم بالله أعرف ست ربنا يبارك لها يارب ويديها الصحه كتبت علي نفسها شيكات علشان تجهز بنتها واشتغلت وبتسدد فيهم .
وقال الكاتب إسلام يوسف : 🤝😹😹 حدث ولا حرج اللى بيربط عجلة بكسر العين وتسكين الجيم واللى بيربط توكتوك ورا العزال عشان القايمة تقفل النص مليون و٣٠٠ و ٤٠٠ ألف شيكات على بياض بيمضوها وهما مش لاقين قوت شهر .
وأشارت الكاتبة هاجر قايد بأنها لا تعتقد أم الغلاء سبب لان دي شماعة بيعلقوا عليها أي أب أو أم مش مسؤلين إنهم يسمعوا أولادهم ويتحتو احتياجتهم النفسية إنك يكون عندك ولد فده يوجب عليك التربية +الرعاية
مفيش رعاية من غير تربية ولا غير رعاية والتقصير في اي فيهم اهمال وتحميل طرف مسؤلية التربية فقط اهمال وتشوه نفسي للأطفال ، اما ان السيدة تتحمل نفقات زواج بنتها وتكلف نفسها فده رعاية منها لبنتها وبسبب الغلاء اثقل كاهلها
وإن شاغلها ده لا يلغي وجودها
انشغالها بتحصيل المال يعني ، أرى هذا مؤلم لأن نصيحة الأم تحمل كتذكير فالبنت حيث ترسخت التقاليد برؤية أمها ما تقدمه ، أما الآن لا رؤية ولا نصحية إلا من رحم الله .
وقال الأستاذ ابو المجد عبد الخالق أمين عام حزب العربى الناصرى بالمنوفية :
عذرا هو المناقشة عن ايه بضبط
هل عن اسباب الطلاق ؟
ولا عن الزواج الناجح ؟
ولا عن المرأة الريفية ؟
ولا عن اسقلالية المرأة وزمتها المالية ؟
فرد الكاتب إسلام يوسف بقوله : عن دور المراة الريفية فى تربية الرجال وتحدى الصعوبات موضوع الصالون الشهرى تبعنا أستاذنا بس الحديث تطرق لأكثر من جانب .
وعقب الأستاذ ابو المجد بقوله : طيب يعنى إيه المراة الريفية ؟
طيب ماتخليها دور المرأة بالمجتمع ؟
وجاء رد الكاتب إسلام يوسف دا نموذج للضحية فى الريف بالحياة البسيطة وصولا للقمة
واستكمل الأستاذ ابو المجد قوله : وعلى فكرة دور المرأة الحضر بتربية أولادها أصعب
ولو أننى متحفظ على التفرقة اللفظية الريفية والحضرية .
وعقب الكاتب محفوظ الأمير : المقصود أن الأم الريفيه ممكن تتعب أكتر بكتير عن الأم في الحضر .
وأضاف الكاتب إسلام يوسف : أكيد زى ما هنا صعوبات هناك صعوبات ، بس تطرق موضوع الريف لان مفيش حد بيتكلم عنه ولو تكلموا بيتكلموا بتهكم او سخرية انهم فلاحيين نتكلم احنا اللى اتولدنا فى الريف نبين ذلك النموذج المشرف .
واستكمل الأستاذ ابو المجد حديثه بأنه عموما هناك أكثر من محور تحدثتوا به الأهم فيهم هو المغلاة باقايمة المشتريات العروسة .
وقال الكاتب إسلام يوسف : للأسف هذا سباق الريف فى السرف رغم كلام الشيوخ على المنابر والمبادرات إلا أن السمة غالبة بالعادات والعرف الحاكم فى الزواج والحسد والنظر لما فعل الاخرين .
وأضافت الكاتبة ريم هشام تجهيز العروسة تكلف نفقات كثيرة، وممكن يحدث غارمات وتسجن الأمهات ، وبأن الفوراق بين الريف والحضر صح فعلا لان العادات وتقاليد والمجتمع مختلف تماما .
وعقب الكاتب محفوظ الأمير كفايه عليها بس النوم بعد صلاة العشاء وتصحي قبل اذان الفجر .
وعقبت الكاتبة ريم هشام إزاي كفاية عليها النوم العشاء وتصحي الفجر ؟
ورد الكاتب إسلام يوسف : جملة المقصد منها الالتزام بالمواعيد لشيل الحمل نهارا .
واستكمل الكاتب محفوظ الأمير أقصد إن ده مش يهمل خالص انها تصحي كل يوم من الفجر وتنام من العشا ولا عندها أي رفاهية .
وعقبت الكاتبة هاجر قايد اعتقد أن الصعوبة موزعة بالتساوي في كلا من الأمرين في الريف والحضر وأي أم بتواجهة نفس المشاكل بس بطرق مختلفة ومواقف مختلفة في هنا عند وهنا عند هنا تمرد وهنا تمرد هنا طاعة وهناطاعة الأمر متساوي بإختلاف الشكل العام والبيئة لا أكثر لكن نفس الاطوار والمشاعر واحد فالصعوبة واحدة .
وعقبت الكاتبة ريم هشام : بتختلف من شخصيات وأمور حياتهم وفعلا بيكونوا متشابهين في حاجات كتير .
وعقب الكاتب عبد الرحمن محمد عذراً للمداخلة السريعة أنا أتفق مع حضرتك فى هذا الكلام ولكن الأم فى الريف تواجه تحديات أكثر وخصوصا عندما تكون غير متعلمة من حيث عدم فهم للأبناء وطرق تفكيرهم والثقافات وغيرها من القضايا العصرية .
وعقبت الكاتبة هاجر قايد : لكل منا رأيه الخاص وله احترامه النقاش مجرد عرض بس ممكن افهم فين البساطة في انها تصحي بدري تحضر فطار ترعي طيور اكل شرب وتنظيف ودي مهم ليست بالسهل نهاىي ترتيب المنزل الغداء العمل بالحقل كمساعدة مراعاة البهائم اطعام الغداء ترتيب البيت بعده ثم غسل اللاواني والملابس ثم العشاء هذا إن لم يزرها جارة او ضيف ، وأن المرأة الريفية بحاجة فعلية ليه معرفة ثقافية عملية وليست علمية يعني أنا لما اسمع طفل بينم في الريف وأمه سمعته بتقوله بس ده غلط وكلامها بذاته غلط لان النميمة حرام وليست غلط فقط فهي عندها نقص معرفة هنا فأنا مينفعش أقول لها النميمة حرام من غير ما افهمها ازاي تستخدم المعلومة اللى اكتسبتها مني بإنها تعلمها لاودها وتعمل بيها في فرق بين انها تكون عارفة وعارفة وبتعمل بمعرفتها .
وعقب الكاتب عبد الرحمن محمد كلام حضرتك صح بس فى بعض الأحيان الأم الريفية تكون سبب لهدم كين أبنائها دون قصد وانا لا أقصد إلقاء اللوم على الأم الريفية بل على ظروفها .
وعقبت الكاتبة هاجر قابد ده بلا شعور منها ومش بس الام الريفية الام بشكل عام ده قلة وعي وتاني المعرفة والدعم الثقافي وقوة الادارك هي اللى المراة بقت محتاجاه بشكل عام
وعقب الكاتب محفوظ الأمير : وبطرقيتها العفوية هذه ربت دكاترة ومهندسين وإعلاميين وزعماء كمان .
وعقبت الكاتبة هاجر قايد معنديش مشكلة في ده ومحدش يقدر ينكر ده ، وكمان محدش يقدر ينكر التهدور النفسي والثقافي والاخلاقي الحاصل ، اعترافنا بالمشكلة مش إساءة ولا عيب بالعكس ده أول خطوة في التطور الازدهار .
وعقب الكاتب محفوظ الأمير تمام بس ده غصب عنها من كثره المشاغل .
وعقبت الكاتبة هاجر قايد : ما هو ده اللى المعرفة هتزودها بيه ادارة الوقت وتنظيمة وحسن التصرف هي عندها قوة كبيرة ولازم تصنفها صح ،ده بلا شعور منها ومش بس الام الريفية الام بشكل عام ده قلة وعي وتاني المعرفة والدعم الثقافي وقوة الادارك هي اللى المراة بقت محتاجاه بشكل عام .
وعقبت الكاتبة ريم هشام : صح
لا تستطيع مساعدتهم او ممكن ايضا لا يربوا تربية صحيحة وممكن يحدث للطفل إحباط لأن التربية تكون مختلفة ويكون معقد بسبب ذلك .
وعقب الكاتب محفوظ الأمير : دا المفروض بقي يكون درو مين في الوعي والتثقيف والتطوير .
وعقبت الكاتبة هاجر قايد : الدولة ومنظمات المرأة .
وعقب الكاتب عبد الرحمن محمد غير فعالة وخصوصاً فى الريف !!.
وعقب الكاتب محفوظ الأمير : وبشوف ان ده دور كل ابن او ابنه اتعلموا كويس انهم يردو الجميل ويقوموا بالدور ده .
وعقبت الكاتبة هاجر قايد : بالعكس الموضوع محرج وكأم بتتألم نفسيا وبتشعر في داخلها بالاهانه والتقليل في عين نفسها وعين ابنها او ابنتها .
وعقب الكاتب عبد الرحمن محمد : صح وحتى لو لم تتكلم ترى فى عينيها ذلك ومن النواحى السلوكية هى لن تتقبل تعديل من النواحى التثقيفية لن تتذكر ما قد قيل .
وعقبت الكاتبة ريم هشام : وحقوق المرأة لو فية تعدي بردوا ممكن في الريف بردوا يبقي فية زواج قاصرات وده خلط كبير بس حصل تتطور في الريف بشكل الكبير، ومعظمهم فكرهم أتغير .
وعقب الصحفى عبد الله محمد : فعلا فى الفترة الأخيرة وبعد انتشار النت فى جميع المناطق ، والتطور الحديث ، أصبح هناك تغير كبير فى الريف عكس ما كانوا عليه سابقا ، وأصبح هناك انفتاح على المدن أكثر ، وفى معظم المناطق للاسف اختفت العادات والتقاليد الريفية التى كانت سمة أساسية فيها ، وكانت تميزها كثيرا عن المدن ، أصبحت تتلاشى تدريجياً .
وعقبت الكاتبة ريم هشام : بس بردوا في عادات وتقاليد أشد من الحضر ، المفروض تخف الحدية .
وعقب الصحفى عبد الله محمد : أنا مع حضرتك ، لكن الظاهر الآن عكس ما كانوا عليه سابقاً ، أنا لا أقلل من هذا أو ذاك ، لكن أُبين ما هو ظاهر الآن ، لأن الريف فى الأساس هو منبع القيم والعادات الحسنة ، منه نتعلم الأخلاق ، منه نتعلم أنبل العادات ، أنا أعيش في الريف وأحمد الله عليها ، لأنى تعلمت الكثير من القيم والأخلاق الحميدة بين الناس ، لكن الملاحظ الآن عكس ما كنا عليه سابقا ، وعكس ما كان آبائنا وأجدادنا عليه .
وعقبت الكاتبة ريم هشام : صح حدث اختلافات كثيرة جدا وحدث الاسوء، بس يوجد في كل شئ حاجة سلبية وايجابية أيضا ، طبعا الريف يوجد بها عادات وتقاليد حميدة جدا .
واستكمل الأستاذ ابو المجد حديثه أنا اختلف معكم تماما
الأم فى الريف حياتها سهلة وبسيطة والحياة فى الريف أقل صعوبة من المدينة ،
والمرأة فى المدينة تتعرض لضغوط فى الحياة أكثر وأكثر
وبرغم أننى معترض تماما عن اللفظ الريفى والحضرى
أصبح الريف مثل الحضر كثيرا
ليس هناك الريف الحقيقى بمعانيه القديمة وعاداته القديمة الأصيلة إلا القليل إذا كان الرجل أو المرأة ، ولذلك كنت أفضل أن تكون المناقشة عن المرأة المصرية ودورها وتضحياتها بعيدا عن العنصرية اللفظية .
وعقب الكاتب إسلام يوسف : احيي حضرتك فى الاشارة للمرأة المدينية فقوت بيتها من عمل زوجها ومن عملها أيضا فى بعض الأسر والرجوع من العمل مرهقة وتضاف اليها رعاية البيت ، قد تتاح للريف وسائل الانتاج وسبل اقتصادية للأسر لا تتاح للمدن ، جربت العيش فى المدينة عام فوجدت أن من عليه تامين حياته يكون مرتبه يتعدى ٣٠٠٠ فيما فوق حتى يترك شىء يعمله لأولاده .
وعقبت الكاتبة ريم هشام : بأن المرأة تساعد زوجها وتعمل وتؤدى دورها و تقوم بية بشكل كامل على أكمل وجه سواء الحضر أو الريف، فهي قوية في الحضر أو الريف .
وعقب الكاتب محفوظ الأمير : مفيش عنصريه ولا حاجه كلهم أمهاتنا .
واختتم الأستاذ أبو المجد الحديث عن القضية المثارة : إلى أن مجتمعنا مشكلته هى أولا نظرته للمرأة واستقلاليتها الفكرى والإقتصادى وكذلك نسبة الطلاق وزيادتها فى أخر عشر سنوات وبشكل ملحوظ وهل ذلك بسبب غلاء المعيشة ؟ أم بسبب النظرة الدونية للمرأة من الرجل أو العكس ؟ كلها أمور ياريت تكون محور النقاش وأنا سعيد للحديث معكم وعذرا لاقتحام المناقشة.
