بقلم الشاعرة : وفاء فرغلى
يا وطن صانع رجال
يا وطن دمعك محال
تشكى ليه تبكى ليه
ياللى قوة جيشك جبال
و لؤلؤ عيونك الله عليهم
بفتتوا صخرك رمال
كرمك روايه شعبك حكايه
و ليك عند العرب أفضال
سواعدك كتير مالهاش حدود
يفدو ترابك بروح النضال
دايما بتبدأ بالسلام
و على الباغى يبقى النزال
تشق أرضه و تهد قلبه
و تربى فى رعبهم زلزال
قلبك حديد و عزمك شديد
و ثاير لنفسك برمز الجمال
شهد العالم كله بنصرك
اللى كان صعب المنال
حولته بقوتك و عقلك
و شدتك بصمة سيجال
اله الكون أكرمك فى الكتاب
الكريم موصوف الكمال
كل الناس بتقول و تعيد
و أنت لوحدك و صمودك جلال
تعمل ايه الناس مهما
قالت
و لا عملت لأنهار أو شلال
يا وطن عزيز و غالى
و كل حبك لولادك الأبطال
اللى صنعوا بايدهم المستحيل
صبح بالنسبه لهم ذكرى و أطلال
بنادى بلادى مصر النصر
و شعب الحب و الاجلال
