نادية المغير تكتب:لا للادمان
شعر /نادية ناجي المغير
كتر الأسف عيبه.
والغلب كان خيبه.
والغدر كان اسلوب.
يترد للطيبه.
والحب كان جارح.
كان ماضي وامبارح.
والوحده كات صعبه.
مليانه بؤس واه.
والبؤس كان واعر.
والاه كانت زايده.
والنار كانت ايده.
والنيه كات صافيه.
بس الدنيا غداره.
والحب كان بنفاق.
والغل كان موجود.
والكره مالو حدود.
والرخص كان زايد.
والغدر فيهم طبع.
والنقص ليهم وصف.
الطيبه بتطمع.
ومنها كنت بزيد.
مش عارفه ليه بقول وبعيد. انا اللي جلبته وحضرته.
وإن مصرفتوش.
يقصف عمري.
هو الحب ان كان زايد.
مع ناس متحسش بوجوده. هي الطيبه ان كات طبع. مع ناس خاينه ومتقدرهاش. هو الإخلاص ان كان ببلاش. ومن كتره إترد رصاص. هو الغلب اللي طلع خيبه. وجبلي في الأخر مصيبه. وكانت غزتين في القلب. وسكينه على رقبتي. وذنبي أنا ايه. إني عقيمه. مهيش عيبه ولا شتيمه. والله راضيه. وحمداه وشكراه. فزرعت في أرض مهش أرضى. وفي الاخر. خان عرضي. مزرعتش غير بزره جميله. وحلمي تطرح ورده أصيله. وفي الاخر. طرحت صبار. وإن قربت منه. هعيش في مرار. وشايله الهم من صغري. وشاربه من العذاب أنهار. ورغم إني بحب الخير. تملي بقابل الأشرار. وكاس المر كان شلال. وسقياهم بداله شربات. كان نفسي الدنيا والأيام. يوروني حلاوه وقبول. بس بابهم ليا كان مقفول. كان نفسي الحياه عليا تمن. بطفل جميل عليا يحن. والله أنا أقربت أتجن. فزرعت في أرض طلعت بور. ومكنش فيه بينا صور. ربيت الطفل اللي ظلمني. وحميت الولد اللي قهرني. وحبيت الشاب اللي قتلني. وعشان مظلمش وأكون قاسيه. كلمتين حق لازم يتقاله. هو كمان كان مظلوم. هو كمان كان مظلوم. كان راضي بالعيشه وصابر. وبالخواطر كان جابر. كان صاين العمه والخاله. كان راجل. لأ سيد الرجاله. كان صاين العرض وبيماطل. علشان يبني حياه سعيده. ومره وحده. لافت عليه الصحبه الغداره. غوته بالحرفه بسجاره. في المره الأولى كانت ساده. في التانيه محشيه كالعاده. كات سامه وقاتله بزياده. فضاع الشاب الجميل. وبالنسبه لأهله بقى يتيم. كان ظالم نفسه وبنفسه. عقلنا نعمه مهوش عيره. خليك واعي وإفهم في الناس. قربوا منك مش حبا فيك. كان في قلوبهم حبه غيره. رساله لكل أهالينا. شوفوا ولادكم وربوهم. قربوا منهم وصحبوهم. شوفوا شكاويهم حلوها. شوفوا مشاكلهم عالجوها. لتوريهم الدنيا الكيف. فيحبوها وينسوها. ويعيشوا عايشين على الشمه. يا شباب بلدي قوموا بهمه. وإقضو على الشرب وع الإدمان. بيقلب مره وحده جنان. فيبان الشاب إنه جبان. وهو في الأساس غلبان. هفضل أعيد وأزيد فيها. جمله تلخص كل الكلام. كتر الإدمان بيقلب مره وحده جنان. لا للادمان. لا للادمان.
