السيد الزرقاني ح: مش ح اندم!!
شعر/السيد الزرقاني
****
مش ح اندم في يوم
على حد قالي لاء
ولا ح أدي نفسي أمل
وأمشي في طريق ذق
لا هو كان ملاك
ويمكن يكون لي هلاك
شق قلبي شق
انا قلبي لما حبة
كان نفسه يسكن جنبه
ويزرع بوادي الأرض
بستان جناين ورد
ويطوف ليالي القمر
يحلم.... بشرع الحق
يكسر جبال الزمن
هو الزمن... كان اية
ولا انت اصلك اية
يا ابو قلب ضل الحق
انا عمري ف يوم ما ح اندم
علي حد قالي لاء
#السيدالزرقاني
