"الدولار" من من قصاصات" أمان صقر"
من قصاصات أمان صقر
1- الدولار ...
إدخلى يابنتى جوّه
وسّعِى إنتى وهوّه
دا الغريب داخل بقوة
والدولار هوه الفتوّة
،،،،
التراب اللى انتى بيه تتكحّلى
سيبى فيه رُفات جدودك وارحلى
حتبعيه بكام دولار..؟ .. لا تسألى
والغلابة لا حول ليهم ولّا قوة
،،،،
الدولار يا بنتى عينه ع الثمار
ع الكنوز ف الأرض .. وف بطن البحار
ع العقول المُنجزة ..وحتى الصغار
عينه ع اللولى حتى فى جوف المحار
،،،،
والخواجة اللى انتى مبهورة بدولاره
والدولاراللى انتى مغشوشة ف خَضَاره
أوّل الرِسْمال ما ياخد فيه مداره
مش قرارك راح يكون .. حيكون قراره
،،،،
الدولار ده نابه أزرق
يِعْلا هوّه ..جنيهنا يغرق
بقوته .. يقدر يفرّق
بين أبويا .. وبين صغاره
،،،،
الدولار له فكرُه برضه
ييجى يوم .. ولابد فارْضه
يومها مين .. يقدر يعارضه ..؟!
وفاس أبويا ..مش ف أرضه ؟
****
