د. جمال حماد يكتب: نفسي تفهموا بجد!!
بقلم /د. جمال حماد
علشان ترتاحوا وتريحوا.
الناس مش فارق معاها خالص،
ملف الأنتخابات الرئاسيه...
مين يجي،ومن يفضل،ومين يمشى،ومين يترشح،
ياترى هنعمل تفويض ولا مبايعه،
ولا كل الحوارات الخايبه ال بتعملوها،
ولا بالروح بالدم نفديك...
افهموا الواقع.
وافهموا ان الناس معتش هينفع ينضحك عليها
الناس بس مشغوله بهمومها وألتزاماتها
متركزوش قوى مع نفسكم.
والنخبه الخايبه،ال فى الصف التانى،
نخبه غبيه وخايبه، لافاهمه سياسه،ولا فاهمه بلطجه حتى.
ومتحاولوش تفهموها هتورطكم....
نفسى تفكروا بشكل يفيدكم.
الناس تعبانه دوروا على حلول..
للكهرباء،للتعليم،للدخل،للزواج، للبطاله ،للفقر
لمشاكل الناس الحقيقية
فكروا ازاى الناس ديه تاخد نفسها...وترتاح شويه
ساعتها الناس ديه هتساعدكم.
انما الهري ال بتعملوه.
مع أحزاب خايبه وبائسه،مش عارفه حتى توصل لفشل الحزب الوطنى حتى.
ولا
إعلام فاشل زود كراهيه الناس لأي حاجه،
وانتم مفكرين ان الناس ديه بتساعدكم.
ده مش صح صدقونى،الناس ديه
خلقت حاله من الإحتقان المسرطن،
الناس دية عاله عليكم،
ابعدوهم شويه عن الكادر...
يارب يكون كلامنا خفيف عليكم.
وتستعينوا بناس مخلصه بجد.
لا غاويه شهره ولا منظره، ولا هتطلب الثمن.
محتاجين نخرج من بين الأغبياء،كده كثير.
الصراحه.راحه.
والحلول كثيره...اذا خلصت النوايا..
ربنا يحفظ البلد ديه من المطبلاتيه، والجهله
فى السياسه والاعلام والدين، ويثبت كل المخلصين...
وينجينا بفضله وكرمه وعدله.
يارب..
جمال حماد.
