نهاد شعشع تكتب: لما انت ندمان كدة
شعر/نهاد شعشع
و لما أنت ندمان كدة
لزمته إيه العدا
و كنت قلب إبتدا
بالحب و الالحاح
مين كان عليا ينادي
و يقول وطن و بلادي
و بغنوة بإسمي يهادي
و يقول ده فاتني و راح
يا حبيبي رد تعالي
من إمتي كنت محالة
و انا كنت ليك ميالة
آخرتها نار و جراح
تنكر في يوم ما ناديتك
و نشرت عنوان بيتك
و ناديت بأعلى صوتك
ليه رميت بقا المفتاح
من إمتي حب العمر
و سنين معاك بتمر
ليه لقانا يبقا سر
و كان نهار وضاح
ليه عايشها و مقضيها
و مفيش حاجة مداريها
قصتنا و بتحكيها
للجاي و اللي راح
يا حبيبي إهدي شوية
بدل هنا و حنية
مش بعد كل قسية
ليه عايزني اقول يا سماح
نهاد شعيشع
