بقلم الشاعر : محفوظ الأمير
مالك ياقلي
مالك ياقلبي ايه وصلك للحاله دي اللي انت بقيت فيها
وبقيت بتتنهد وجع واحزانك مش عارف تخبيها
اعز الناس وجع قلبي وبكاني ودمرني
وباع كل اللي كان بينا وكأنه مصر يخسرني
موجوع فعلأ موجوع وجعك كسرلي ضلوع
وبقول راضي وصابر
الوقت اكيد بيفوت وانا بتعذب وبموت
وبحاول مش قادر
مالك ياقلي
علطول مشغول ومتحير شايفك من فتره متغير
وبتبعد عن كل الناس
وكل دا في وقت اصير
اهدي ياقلبي اعمل معروف بطل دق بسرعه كفايه
ليه دقاتك كلها خوف شارد دايما مش ويايا
اوعي تقول ندمان وتلومني كنت بشوفك ياما ملهوف
كنت بقولك بس اسمعني
كنت تقولي بكره تشوف
اقفل بابك واتحمل كل اللي جرالك
جرحك جالك من احبابك
شوفت ياقلبي ولسه هشوف
